མ་བདེན་པའི་གཏམ།
ས་གི་འོག་ལས་རྡོ་སོལ་བརྐོ་ཞིནམ་ལས་ ཁྱོད་རའི་དཔྱལཝ་གུ་དབུར་བ་ཅིན་ཀོ་རོ་ན་ནད་གཞི་བཀག་ཚུགས།
བདེན་གཏམ།
ས་གི་འོག་ལས་ རྡོ་སོལ་བརྐོ་ཞིནམ་ལས་ དཔྱལཝ་གུ་དབུར་བ་ཅིན་ ཁྱོད་དང་གཞན་ག་འབད་རུང་ཀོ་རོ་ན་ནད་གཞི་འཐོབ་ནི་ལས་བཀག་མི་ཚུགས།

མ་བདེན་པའི་གཏམ།
འཕྲལ་འཕྲལ་རང་ཆང་འཐུང་ནི་དང་ ཡང་ཅིན་་ ཆང་མངམ་སྦེ་འཐུང་བ་ཅིན་ ཀོ་རོ་ནའི་ནད་འབུབ་འདི་བསད་ཚུགས་ནི་དང་ ཀོ་རོ་ན་ཝའིི་རཱས་ལས་བཀག་ཚུགས།
བདེན་གཏམ།
ཆང་འཐུང་ནི་གིས་ ནད་གཞི་ཀོ་རོ་ན་ཝའི་རཱས་ལས་བཀག་མི་ཚུགས་པའི་ཁར་ ཆང་འཐུང་ནི་དེ་གིས་ རང་གི་འཕྲོད་བསྟེན་ལུ་གནོད་པ་ཡོདཔ་ཨིན།

མ་བདེན་པའི་གཏམ།
ཟུར་བརྟག་བྱ་རིམ་དེ་ཚུ་ འོས་འབབ་ལྡན་ཏོག་ཏོ་མིན་འདུག། ཕྱུགཔོ་དང་དབང་ཚད་ཅན་གྱི་མི་ཚུ་ ཟུར་བརྟག་གི་བྱ་རིམ་དང་འཁྲིལ་མ་དགོཔ་སྦེ་ཨིན་མས།
བདེན་གཏམ།
སྤྱི་ཚེས་ ༢༣/༠༣/༢༠༢༠ ལས་འགོ་བཙུགས་སྟེ་ འབྲུག་མི་ ཕྱི་རྒྱལ་ལས་ལོག་འོང་མི་ག་ར་ རྒྱུ་ནོར་དང་སྟོབས་གོ་སའི་ཁྱད་པར་མེད་པར་ ཟུར་བརྟག་ས་ཁོངས་ནང་ལུ་ ངེས་པར་དུ་སྡོད་དགོཔ་ཨིན་། དེ་འབདཝ་ད་ ཕྱི་རྒྱལ་ལས་ སྨན་བཅོས་འབད་དེ་ ཡང་ཅིན་ ཨ་ལོ་སྐྱེས་ཞིནམ་ལས་ ལོག་འོང་མི་ཚུ་ ཟུར་བརྟག་ས་ཁོངས་ནང་སྡོད་མ་དགོཔ་ཨིན་རུང་ རང་གི་ཁྱིམ་ནང་ཟུར་བརྟག་འབདདེ་་སྡོད་དགོཔ་ཨིན། རང་གི་ཁྱིམ་དང་ ཟུར་བརྟག་ས་ཁོངས་གཉིས་ཆ་ར་ནང་ ཟུར་བརྟག་གི་ དུས་ཡུན་འདི་ ཉིན་གྲངས་ ༢༡ ཨིན།

དྲི་བ། སྨན་ཁང་ནང་ དུས་རྒྱུན་གྱི་ བརྟག་ཞིབ་ཀྱི་དོན་ལུ་ འགྱོ་ཆོག་ག? ༼དཔེར་ན་ ཨ་ལུ་སྐྱེ་ནི་ཡོད་པའི་ཨམ་སྲུ་དང་ གུ་རམ་གྱི་ནད་ ཁྲག་ཤུགས་ཀྱི་ནད་གཞི་ཚུ་གི་དུས་རྒྱུན་བརྟག་ཞིབ་ ཡང་ཅིན་ དུས་སྟབས་བཟོ་ནི་ལ་སོགས་པ་ཚུ།༽
ལནཿ དུས་རྒྱུན་གྱི་བརྟག་ཞིབ་དང་སྨན་བཅོས་ཀྱི་དོན་ལུ་ སྨན་ཁང་ནང་འགྱོ་ནི་འདི་བཀག་ཆ་མེདཔ་ཨིན། ཨིན་རུང་ མི་མང་གིས་དུས་རྒྱུན་འཕྲོད་བསྟེན་གཙོ་བོར་བསྟེན༌དགོཔ༌གལ༌ཆེ།

དྲི་བ། ཀོ་རོ་ན་ཝའི་རཱས་གི་ནད་འབུཔ་ཐོབ་ཡོད་མིའི་མི་གི་རྟགས་མཚན་ག་ཅི་ར་སྨོ?
ལནཿ ཀོ་རོ་ན་ཝའི་རཱས་ཐོབ་ཡོད་མི་གིས་ མང་ཤོས་ར་ སྤྱིར་བཏང་ཚ་རིམས་བཟུམ་གྱི་རྟགས་མཚན་གྱང་ཤུགས་རྐྱབ་ནི་དང་ གློ་འཁོག་ནི་ དེ་ལས་དབུགས་གཏོང་ལེན་ཐུང་ཀུ་སྦེ་ལེན་ནི་ཚུ་ཨིན།

དྲི་བ། ང་ར་ འབྲུག་རྒྱལ་ཁབ་ནང་འཁོད་ འགྲོ་འགྲུལ་འབད་བར་ཁྱད་མེད་ག?
ལནཿ འབྲུག་མི་ཚུ་ལུ་ རྒྱལ་ཁབ་ནང་འཁོད་ འགྲོ་འགྲུལ་འབད་ནི་འདི་ བཀག་ཆ་མེད་རུང་ མི་རེ་རེ་བཞིན་གྱིས་་དུས་རྒྱུན་འཕྲོད་བསྟེན་གཙོ་བོར་བསྟེན༌དགོཔ༌འདི་གལ༌ཆེ།
ཀོ་ཝིཊ-༡༩ (COVID-19) དང་འབྲེལ་བའི་དོགས་སེལ་ ག་ཅི་ར་ཡོད་རུང་ དམིགས་བསལ་བརྒྱུད་འཕྲིན་ཨང་ ༢༡༢༡ ནང་འབྲེལ་བ་འཐབ་གནང་།

དྲི་བ། ཀོ་རོ་ན་ཝའི་རཱས་གི་ནད་འབུབ་ཐོབ་ཡོད་པའི་མི་གི་རྟགས་མཚན་ག་ཅི་རང་སྨོ?
ལནཿ ཀོ་རོ་ན་ཝའི་རཱས་ཐོབ་ཡོད་པའི་མི་གིས་ མང་ཤོས་ཅིག་རང་ སྤྱིར་བཏང་ཚ་རིམས་བཟུམ་གྱི་རྟགས་མཚན་གྱང་ཤུམ་བརྐྱབ་ནི་དང་ གློ་འཁོག་ནི་ དེ་ལས་དབུགས་གཏོང་ལེན་འཐུང་འཐུང་སྦེ་ལེན་ནི་ཚུ་ཨིན།

དྲི་བ། ལག་བཤལ་སྨན་རྫས་འདི་ འཐུང་བཏུབ་ག?
ཉེན་བརྡ།
ལནཿ ལག་བཤལ་སྨན་རྫས་འདི་ ཕྱིའི་གཟུགས་ཀྱི་ཆ་ཤས་ལུ་ལག་ལེན་རྐྱངམ་ཅིག་མ་གཏོགས་ འཐུང་ནིའི་དོན་ལུ་མེན། ལག་བཤལ་སྨན་རྫས་འཐུང་པ་ཅིན་ རང་གི་འཕྲོད་བསྟེན་ལུ་གནོད་ཉེན་ཆེ། བརྡ་དོན་ཁ་གསལ་གྱི་དོན་ལུ་ དམིགས་བསལ་བརྒྱུད་འཕྲིན་ཨང་ ༢༡༢༡ ནང་འབྲེལ་བ་འཐབ་གནང་།
རང་རྐྱང་ཟུར་བརྟག།

དྲི་བ། རང་རྐྱང་ཟུར་བརྟག་འདི་ ག་ཅི་སྨོ?
ལནཿ རང་རྐྱང་ཟུར་བརྟག་ཟེར་མི་འདི་ ལཱ་རིགས་ཚུ་བཀག་དམ་འབད་ནི་ ཡང་ན་ མ་ན་མི་གཅིག་ཨིན་རུང་ འབུ་ཉེན་ཅན་གྱི་ནད་གཞི་དང་ གནས་སྟངས་དང་འབྲེལ་བ་ཡོདཔ་སྦེ་འཐོན་སོང་པ་ཅིན་ སོ་ས་སྦེ་བཞག་དགོ། ཟུར་བརྟག་གི་དུས་ཡུན་འདི་ཡང་ ཉིན་གྲངས་ ༡༤ ཨིན།

དྲི་བ། ཀོ་རོ་ན་ཝའི་རཱས་ཁྱབ་སྤེལ་འགྱོ་ཡོད་པའི་རྒྱལ་ཁབ་ཚུ་ནང་ལས་ཕར་ འགྲོ་འགྲུལ་འབད་ཡོདཔ་དང་ ནད་རྟགས་ག་ཅི་ཡང་མེད་རུང་ ཟུར་བརྟག་འབད་དགོ་ག?
ལནཿ ནད་རྟགས་ག་ཅི་ཡང་མེད་རུང་ ཀོ་རོ་ན་ཝའི་རཱས་ཁྱབ་སྤེལ་འགྱོ་ཡོད་པའི་རྒྱལ་ཁབ་ཚུ་ནང་ལས་ཕར་ཉིན་གྲངས་ ༡༤ གི་ཧེ་མ་འགྲོ་འགྲུལ་འབད་ཡོད་པ་ཅིན་ ཟུར་བརྟག་འབད་དགོ།

དྲི་བ། ཀོ་རོ་ན་ཝའི་རཱས་ཁྱབ་སྤེལ་འགྱོ་ཡོད་པའི་ ས་གནས་ཐིམ་ཕུག་དང་ སྤུ་ན་ཁ་ སྤ་རོ་ཚུ་ནང་ལས་ཕར་འགྲོ་འགྲུལ་འབད་ཡོད་པ་ཅིན་ ཟུར་བརྟག་འབད་དགོ་ག?
ལེནཿ ཟུར་བརྟག་འབད་མི་དགོ།

དྲི་བ། གཙུག་སྡེ་དང་མི་སྡེའི་འགོ་འཁྲིདཔ་ཚུ་གིས་མི་ཚུ་ཟུར་བརྟག་འབད་ཆོག་ག་ ཡང་ཅིན་ གསོ་བའི་ལས་བྱེདཔ་ཚུ་ལས་བསླབ་སྟོན་དགོཔ་སྨོ?
ལནཿ ངོས་ལེན་ཡོད་པའི་གསོ་བའི་ལས་བྱེདཔ་ལས་བསླབ་སྟོན་ལེན་དགོ།

དྲི་བ། ནད་གཞི་འཐོབ་ནི་ལུ་ ཉེན་ཁ་ཆེ་ཤོས་ར་ ག་སྨོ?
ལནཿ ལོ་ན་རྒས་མི་དང་ གཞན་ནད་གཞི་ཡོད་མི་ དཔྱེ་འབད་བ་ཅིན་ གུ་རམ་དང་ དོན་ཧིང་གི་ནད་གཞི་ཡོད་མི་ཚུ་ལུ་ གནོད་ཉེན་ཆེཝ་ཨིན། ནད་འབུཔ་འདི་ གནས་སྟངས་རེ་རེ་གཉིས་ཀྱི་ནང་ལུ་ ཉེན་འཚུབ་ཅན་སྦེ་འོང་ནི་དང་ ད་ལྟོའི་གནས་སྟངས་བཟུམ་ཅིག་ནང་འབད་བ་ཅིན་ སྔོན་མ་ལས་ནད་གཞི་གིས་ཟུན་ཏེ་ཡོད་མི་ལོ་ན་རྒས་ཤོས་ཚུ་ལུ་ མངམ་སྦེ་བྱུང་སྟེ་ཡོདཔ་ཨིན།

དྲི་བ། ལག་བཤལ་སྨན་རྫས་འདི་དབུར་ཞིནམ་ལས་ ལགཔ་མེ་གི་འཚིག་ནིའི་ཉེན་ཁ་ཡོད་ག?
ལནཿ ལག་བཤལ་སྨན་རྫས་ནང་ལུ་ཡོད་པའི་ཆང་བཅུད་འདི་ལགཔ་ལུ་དབུར་ཚརཝ་ཅིག་ ཡལ་འགྱོཝ་ལས་ མེ་ཟུན་ནི་གི་ཉེན་ཁ་མེད།

དྲི་བ། ཀོ་རོ་ན་ནད་གཞི་འདི་ རླུང་ཐོག་སྤེལ་བའི་ནད་གཞི་ཨིན་ན?
ལནཿ ཀོ་རོ་ན་ནད་གཞི་འདི་ དབུགས་གཏོང་ལེན་སྐབས་ཀྱི་ཐིགས་པ་ཚུ་ལས་ ཁྱབ་ཆེ་དྲགས་སྦེ་སྤེལཝ་ཨིན་རུང་ ཐིགས་པ་ཚུ་སྦོམ་སུ་ཅིག་འབདཝ་ལས་ བར་སྣང་ལུ་ཡུན་རིངམ་སྦེ་གནས་མ་ཚུགསཔ་ལས་ ག་ར་གིས་ ལགཔ་དང་དབུགས་གཏོང་ལེན་དང་འབྲེལ་བའི་ འཕྲོད་བསྟེན་གཙོ་བོ་བསྟེན་གནང་ཟེར་ཞུཝ་ཨིན།